Joe Biden është zgjedhur presidenti i 46-të i Shteteve të Bashkuara, duke ia mohuar presidentit Donald Trump një mandat të dytë.
Demokrati fitoi zgjedhjet duke rrëmbyer 20 votat elektorale të Pennsylvanias të shtunën, pas disa ditësh numërimesh.
Me këtë rast ai përmes Twitterit, iu drejtua për herë të parë popullit si fitues, ku u shpreh se do të jetë President i të gjithëve.
“Amerikë, jam i nderuar që më ke zgjedhur mua për të udhëhequr vendin tonë të madh. Puna përpara nesh do të jetë e vështirë, por unë ju premtoj: Do të jem një President për të gjithë Amerikanët – pavarësisht nëse ju keni votuar për mua apo jo. Unë do të ruaj besimin që ti më ke dhënë”, ka shkruar ai.
America, I’m honored that you have chosen me to lead our great country.
The work ahead of us will be hard, but I promise you this: I will be a President for all Americans — whether you voted for me or not.
I will keep the faith that you have placed in me. pic.twitter.com/moA9qhmjn8
— Joe Biden (@JoeBiden) November 7, 2020
