Manipulimet dhe kurdisjet eventuale në futbollin e Kosovës kanë qenë tema kryesore e ditëve të fundit.

Në lidhje me një fenomen të tillë ka folur edhe portieri i mirënjohur, Arben Beqiri, shkruan FrontOnline.

Beqiri ka treguar një rast kur kishte pasur dyshime për kurdisje të ndeshjes, me ç’rast ishin intervistuar pesë futbollistë.

“Në periudhën 2016-2017, kur isha pjesë e Besës së Pejës, Besa-Trepça, pas ndeshjes është konfirmuar se kanë filluar hetime se ka pasur kurdisje të ndeshjes. Kam qenë i pezulluar me pesë ndeshje moslojë për shkak të procedurës, është vërtetuar pafajësia dhe kanë vazhduar ndeshjet”, ka deklaruar Beqiri në “Sporti në Total”.