Komisioni Hetimor Parlamentar lidhur me procesin e privatizimit në Kosovë ka intervistuar ish-ministrin e Zhvillimit Ekonomik, Besim Beqaj.
Ish-ministri i Zhvillimit Ekonomik, Besim Beqaj gjatë raportimit në komisionin hetimor për privatizim ka thënë se procesi i privatizimit të Telekomit është diskutuar nga njerëzit që nuk kanë lexuar kurrë. Ai ka thënë se dëmi ju është shkaktuar vendit, raporton Front Online.
“Në kohën sa kam qe ë ministër ka qenë prioritet i shtetit dhe qeverisë për ti privatizuar ndërmarrjet publike. Vendimet për privatizimin e aseteve publike janë marr në kuvendin e Kosovës. Unë personalisht kam besuar që procesi i privatizimit është esencial. Është e vërtet që procesi Telekomit ka qenë i diskutuar dhe është diskutuar nga njerëz që kurrë në jetën e tyre s`kanë lexuar dhe kjo ka bërë dëme edhe në imazhin e vendit dhe pas shumë thashethemeve ky proces ka përfunduar në arbitrazh ndërkombëtar. Ne jemi paditur me mbi 200 milionë euro. Ne jem fitues dhe kjo ka qenë një nga punët më kryese të vendit tonë”.
Tutje ai ka thënë se vendimet e ndërmarrjeve publike janë vendime të Kuvendit. Këto komente Beqaj i bëri në komisioni hetimor për privatizim.
“Procesi i privatizimit duhet të ndodhë. Në këto procese që kam qenë pjesë e saj, ministri i nënshtrohet një programi qeveritar. Vendimet e ndërmarrjeve publike janë vendime të kuvendit të Kosovës. Procesi i privatizimit të sektori publik është bërë për të krijuar një hapësirë të konkurrencës në treg”, ka thënë ai. /Front Online
