Vetëm një vit pas hedhjes në treg, Bentley restauroi sedanin e saj prestigjioz. Nëse jeni nga të paktët që mund të përballoni një makinë të këtij kalibri dhe jeni të kujdesshëm ndaj rrjedhës së zakonshme, atëherë është mirë të dini se modeli është azhurnuar së fundmi. Ju gjithashtu do ta njihni atë nga ngjyra e re e gri (Cambrian), e 63-ta me radhë në ofertë. Në kabinë do të përshëndeteni nga opsioni i një dekorimi të ri të drurit rimeso, tani me një shtresë të trashë vetëm 0,1 mm.

Veshja pesë herë më e hollë siguron që ju të ndjeni strukturën specifike të sipërfaqes nën gishta. Lajmi i mirë është se paketa e “City Specification”, vjen standarde, që do të thotë se nuk është e nevojshme të paguhet ekstra për shtesa të tilla si njohja e shenjave të trafikut, paralajmërimet për ardhjen e automjeteve në pjesën e pasme, mbikëqyrja e mjedisit me kamera, ndriçimi i mirëseardhjes dhe të ngjashme Një jonizues ajri është gjithashtu standard, i cili në mënyrë efektive do të neutralizojë të gjithë alergjenët. Dhe tani lajmet e rëndësishme. Njëra është izolim akoma më i mirë i zërit dhe tjetra është se oferta e motorit nuk ka ndryshuar. Fakti që motori 6.0 litërsh W12 me 635 kuaj fuqi dhe 4.0 V8 twin-turbo me 550 kuaj fuqi, mbeten në ofertë dhe është padyshim lajmi më i mirë./FrontOnline/