Bentley ka prezantuar një version të përmirësuar të modelit Bentayga Hybrid për vitin 2023. SUV-i hibrid i përmirësuar nga Crewe mori më shumë fuqi, një gamë më të gjatë elektrike dhe dy paketa të reja pajisjesh që u morën nga modeli pa teknologji hibride.

Nën kapuç është i njëjti motor 3.0-litërsh V6 me teknologji hibride i kombinuar me një motor elektrik 100 kW, ashtu si vitin e kaluar. Mirëpo, ndryshimi është në bateri, sepse Bentayga Hybrid tani ka një bateri me kapacitet 18 kWh në vend të 13 kWh, dhe kështu diapazoni elektrik është rritur nga 40 në 43 km.

Gjithashtu, ka pasur një rritje të fuqisë, kështu që sistemi i fuqisë tani jep 456 në vend të 443 kuaj fuqi. Bentayga Hybrid ofron dy paketa të tjera pajisjesh për vitin e modelit 2023, përkatësisht S dhe Azure. Hybrid S sjell një pamje dhe performancë më agresive, pezullimi është më i ngurtë, kontrolli i kapjes vendoset më agresivisht në modalitetin Sport dhe ka një sistem të ri shkarkimi që prodhon një tingull “më të thellë”. Paketa standarde Blackline ka ngjyrë të zezë me shkëlqim në vend të detajeve të jashtme të kromit.

Bentayga Hybrid Azure do të thotë më shumë luks, paketa Front Seat Comfort është standarde, e cila lejon 22 mënyra të rregullimit elektronik të karrigeve të përparme, dhe ka opsionin e ngrohjes dhe ftohjes.

Lëkura karakterizohet nga qepjet në formë diamanti. Klientët mund të zgjedhin midis 15 ngjyrave të lëkurës dhe tre ngjyrave të dekorimit të drurit.

Të dyja paketat e pajisjeve do të jenë të disponueshme kur modeli i vitit 2023 të arrijë në sallonet. Çmimet ende nuk janë shpallur./FrontOnline/