Bekë Berisha: Nëse Kurti s’mund ta zgjidhë problemin me SBASHK-un, si do të mundet atë me Serbinë?

Deputeti i Kuvendit nga radhët e AAK-së, Bekë Berisha ka folur sërish për grevën në arsim, duke kritikuar Qeverinë e Kosovës që s’po gjen zgjidhje për të filluar mësimin në shkolla.

Berisha shtroi një pyetje për kryeministrin Kurti se nëse nuk mund të gjejë zgjidhje me sindikatën e arsimit, si mundet ta arrijë me Serbinë.

“Kryeministri, që nuk ka afinitet me zgjidhë një problem me SBASHK-n, si do të mundet me zgjidhë problemin “nyjen” Kosovë-Serbi”, ka shkruar Berisha në llogarinë e tij në Facebook.

Greva në arsim ka hyrë në javën e pestë mes kritikave të shumta për ngërçin mes Qeverisë dhe SBASHK-ut.

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Sponsoruar