Neuroshkencëtari Dr. Andrew Haberman, gjithashtu profesor i neurobiologjisë dhe oftalmologjisë në Shkollën e Mjekësisë në Stanford, pohon se duhet të dalim në ajër të pastër çdo mëngjes. Dhe ai shpjegoi pse.

Në podcastin e tij, Dr. Haberman shpjegoi se si shikimi i dritës së diellit, në mënyrë ideale pa syze dielli, nga dy deri në dhjetë minuta pas zgjimit është një zakon jetësor që duhet të zhvillohet nga çdo person që kujdeset për shëndetin e tij.

Siç shpjegoi ai, zakoni i këtij mëngjesi shkakton lirimin e dopaminës, ose hormonit të lumturisë.

Është vërtetuar se promovon një humor më të mirë, zvogëlon rrezikun e depresionit, përmirëson përqendrimin dhe gjithashtu promovon humbjen e peshës.

Po kështu, drita e ditës është vendimtare sepse çliron hormonin e stresit kortizol, i cili vepron si një sinjal i caktuar zgjimi, duke inkurajuar zgjimin, por edhe aftësinë për t’u fokusuar gjatë ditës.

Studime të shumta të kryera deri më tani kanë konfirmuar se ekspozimi në mëngjes ndaj dritës natyrale përmirëson gjumin gjatë natës dhe vigjilencën gjatë ditës, të cilat janë gjithashtu aspekte kyçe të shëndetit të qëndrueshëm mendor.

Po kështu, hulumtimet kanë treguar se vitamina D nëpërmjet ekspozimit në diell lidhet me një reduktim të përgjithshëm të rrezikut të depresionit./FrontOnline/