Në epokën e rrjeteve sociale, influencuesit shpesh shihen në publik duke realizuar video për TikTok ose rrjete tjera.

Në një përpjekje për t’u bërë viral, disa influencues janë parë duke realizuar marifete të çuditshme dhe mjaft të rrezikshme.

Një video e tillë është publikuar në internet së fundmi ku shihet një grua që e thyen xhamin e përparmë të një Lamborghini pasi kërcen mbi të.

Ndonëse e vë re dhe për një sekondë tronditet, ajo vazhdon të përfundojë kërcimin e planifikuar.

“Pse njerëzit e bëjnë këtë vetëm për të marrë shikime dhe pëlqime”, thuhet në mbishkrimin e videos së postuar në Reddit, data dhe vendndodhja e së cilës nuk dihet.

Ndryshe, edhe në të kaluarën, gruaja e njohur në TikTok si snowbunnyjelly, ka filmuar disa video të tilla mbi çatitë e veturave.

Por, ky veprim ka zemëruar shumë njerëz të cilët thonë se iu dhimbset një veturë kaq e shtrenjtë të dëmtohet. /Telegrafi/