×
  • Bota/Rajoni
  • Bota/Rajoni

    BE-ja i kërkon Bosnjës më shumë reforma për t’i nisur bisedimet për anëtarësim

    FrontOnline
    05 Dhjetor 2023

    Bashkimi Evropian (BE) i ka kërkuar Bosnjë e Hercegovinës të bëjë më shumë reforma në mënyrë që të mundë t’i fillojë bisedimet për anëtarësim në këtë bllok, tha të martën kryetarja e Këshillit të Ministrave të Bosnje e Hercegovinës, Borjana Krishto.

    Bosnja e Hercegovina e mori statusin e vendit kandidat për anëtarësim në BE në vitin 2022. Por, sipas vlerësimit të Komisionit Evropian, asaj i kanë mbetur edhe disa kritere për t’i përmbushur në mënyrë që të mundë të hapen bisedimet për anëtarësim.

    Një delegacion i madh nga Bosnja e Hercegovina u takua të martën në Bruksel me komisionarin e BE-së për Fqinjësi dhe Zgjerim, Oliver Verhelyi.

    Verhelyi tha se BE-ja “sheh një përkushtim për reformat në Bosnjë e Hercegovinë dhe avancim pozitiv”.

    “Jam i bindur se Bosnja e Hercegovina mund të bëjë më shumë dhe më mirë, e në këtë drejtim po punon Këshilli i Ministrave [i BiH]. Po shohim përparim të madh në reforma, qeveritë e reja janë vendosur në të gjitha nivelet, shpejt po miratohen buxhetet dhe të gjitha partitë politike e kanë shprehur integrimin në BE si prioritet të tyre”, tha Verhelyi.

    Ai e përmendi pranverën e vitit 2024 si afatin kur do të mundë të miratohej një vendim për nisjen e negociatave të anëtarësimit për Bosnjën.

    Një numër i madh i përfaqësuesve politikë të entiteteve dhe institucioneve të ndryshme nga Bosnja e Hercegovina qëndruan të martën në Bruksel, për të marrë pjesë në një forum të nivelit të lartë politik me BE-në, që ka për qëllim avancimin evropian të këtij vendi.

    Ky takim u zhvillua pikërisht në kohën kur vendet anëtare janë duke diskutuar rreth mundësisë së vendimit me kusht për nisjen e negociatave të anëtarësimit me Bosnje e Hercegovinën. Sipas një drafti të përgatitur për miratim nga ministrat e BE-së, Bosnja e Hercegovina do të mundë të merrte një vendim për të nisur negociatat e anëtarësimit “kur të vlerësohet se janë përmbushur kriteret e nevojshme“.

    Por, edhe ky formulim ka hasur në kundërshtime nga disa vende të BE-së dhe nuk do të jetë e lehtë për të ta sigurojë mbështetjen unanime që nevojitet për ta kaluar vendimin në Këshill.

    Në takimin në Bruksel kanë marrë pjesë edhe përfaqësues të entiteteve të ndryshme nga Bosnja e Hercegovina që kanë dallime diametralisht të kundërta në qëndrimet e tyre politike.

    Ministri i Jashtëm i Bosnjë e Hercegovinës, Elmedin Konakoviq, tha se vendi i tij nuk ka asnjë alternativ tjetër pos integrimit në BE.

    “Dua t’ua rikujtoj të gjithëve në Bosnjë e Hercegovinë se ne në BE i eksportojmë rreth 75 për qind të të mallrave që i eksportojmë në përgjithësi. Me rajonin kjo arrin në 94 për qind. Ne nuk kemi opsion tjetër, edhe pse disa mund të kenë simpati për ndonjë hapësirë tjetër gjeografike, ne fatin e kemi kah Brukseli“, tha Konakoviq.

    Në takim në Bruksel mori pjesë edhe Millorad Dodik, presidenti i Republikës Sërpska, i cili vazhdon të kërcënojë me shkëputjen e këtij entiteti nga Bosnja e Hercegovina.

    Por, pas takimeve në Bruksel, Dodiku nuk e përmendi këtë, ndërsa pretendoi se “shkeljet më të mëdha të Kushtetutës së Bosnjë e Hercegovina kryhen nga përfaqësuesi i lartë, Christian Schmidt.

    Ndasitë politike në Bosnjë e Hercegovinë janë përmendur vazhdimisht nga Bashkimi Evropian si shkaktari kryesor i mungesës së suksesit në reforma, të cilat do ta bënin këtë shtet më funksional dhe në këtë mënyrë do t’i mundësonin një përparim me të shpejtë në procesin e integrimit në BE.

    Bashkimi Evropian dhe NATO-ja kanë shprehur shqetësime edhe për ndikimin negativ të Rusisë në Bosnjë e Hercegovinë, i cili mund ta rrezikojë edhe situatën e sigurisë në këtë vend. /REL/

    Në këto vende nuk do të ketë rrymë për shkak të punimeve
    Nga Rubrika
    Bota/Rajoni26 Shkurt 2024
    Parlamenti i Hungarisë miratoi sot ofertën e Suedisë për t’u anëtarësuar në NATO, duke pastruar pengesën e fundit për vendin për t’u...
    Bota/Rajoni26 Shkurt 2024
    Teksa Shqipëria për pak ditë do të organizojë Samitin për Ukrainën, ministri i Punëve të Jashtme, Igli Hasani, në sesionin e 55...
    Bota/Rajoni26 Shkurt 2024
    Tirana do të jetë mikpritëse e dy samiteve më 28 dhe 29 shkurt. I pari do të mbahet të mërkurën e 28...
    Të tjera
    Lajme26 Shkurt 2024
    20 të rinj tjerë të komuniteteve Rom, Ashkali dhe Egjiptian përfunduan trajnimin mbi Edukimin Medial në kuadër të projektit “Luftimi i dezinformimit...
    Lajme26 Shkurt 2024
    Nënkryetarja e PDK-së, Vlora Çitaku, ka reaguar pas konfirmimit se përfaqësues të BQK-së do të marrin pjesë në takimin e nesërm në...
    Lajme26 Shkurt 2024
    Një burrë në Prizren ka raportuar se vetura e tij është vjedhur nga persona të panjohur. Por automjeti është gjetur i parkuar...
    Sport26 Shkurt 2024
    Fundjavën që shkoi, përfundoi xhiroja e 23-të e Bundesligas. Edhe pas kësaj jave, Bayer Leverkusen vazhdon të jetë lider. Leverkusen triumfoi përballë...
    Vip26 Shkurt 2024
    Si asnjëherë më parë në një studio televizive, Grida Duma ka rrëfyer për jetën personale e profesionale. Djali, siç thotë ajo, është...
    Vip26 Shkurt 2024
    Grida Duma është një prej grave që fuqishëm ka përkrahur gratë e tjera gjatë karrierës së saj politike, por edhe tash në...

    FrontOnline, © 2024 Të gjitha të drejtat e rezervuara.