Nesër (e enjte) do të zhvillohet ndeshja e pestë finale e “Play-off”-it në Ligën e Femrave.
Seria finale është 2:2 dhe kush fiton në përballjen e së enjtes do të shpallet kampion i Kosovës në elitën e femrave, përcjell FrontOnline.
Takimin e parë e fitoi Penza në Prizren 63:84, kurse sfidën e dytë në Pejë e fituan vashat prizrenase 65:70. Në takimin e tretë skuadra prizrenase fitoi sërish 74:63, duke kaluar në epërsi 2:1, ndërsa ndeshjen e katërt e fitoi skuadra pejane 72:58, duke bërë që fituesi dhe kampioni të shpallet të enjten në Prizren.
Në garat e rregullta këto dy skuadra u ndeshen katër herë, ku tri herë fitoi Bashkimi dhe një herë Penza.
Pas luftës Bashkimi e ka fituar gjashtë herë titullin kampion, kurse Penza e ka fituar tri herë.
Ndeshja Bashkimi – Penza zhvillohet nga ora 19:00./FrontOnline/
