Barcelona do të rikthehet në afatin kalimtar të janarit për të kryer transferime dhe për ta përforcuar skuadrën.

Gjiganti katalunas synon që të përforcohet në repartin e mesfushës dhe ata tani kanë një objektiv.

Sipas Voetbal International dhe Marca, Barcelona po vëzhgon me vëmendje zhvillimin e mesfushorit të PSV, Jerdy Schouten .

Ai mbetet ‘lart’ në listën e dëshirave të transferimeve të Hansi Flick me gjermanin e etur për të forcuar mesfushën e tij vitin e ardhshëm.

Barça thuhet se donte të nënshkruante me Schouten këtë verë, por nuk mundi për shkak të kufizimeve financiare.

Schouten shihet si një zëvendësues afatgjatë i Sergio Busquets në drejtimin e Blaugranas.

Holandezi 27-vjeçar është natyrisht një mesfushor mbrojtës, por mund të luajë edhe si qendërmbrojtës.

Ai ka shënuar një gol në tre paraqitje për PSV këtë sezon dhe ka kontratë me klubin deri në vitin 2028. /Telegrafi/