Ish-kreu i KQZ-së, Mazllum Baraliu, ka folur për FrontOnline lidhur me procesin e zgjedhjeve dhe zvarritje së këtij procesi.

Sipas Baraliut, kandidatët kanë të drejtë për të bërë ankesa rreth rezultatit zgjedhor.

‘’Subjektet politike dhe disa kandidatë të subjekteve politike, në bazë të bindjes së tyre, në bazë të rezultateve që kanë marr qoftë në Kosovë apo diasporë dhe diçka sipas tyre nuk ka shkuar më së miri dhe kanë të drejtë të verifikojnë dhe të luftojnë për çdo votë të tyre’’, thotë ai.

Baraliu, deklaron se lufta që po bëhet për çdo votë është krejt legjitime dhe normale e korrekte dhe po zhvillohet brenda afateve ligjore.

‘’Lufta që po bëhet për çdo votë është krejt legjitime dhe normale, korrekte dhe e drejt dhe po zhvillohet brenda afateve ligjore, të cilat i lejon ligji dhe Kushtetuta. Nuk kemi zvarritje të qëllimshme, jashtë Kushtetueses ose frymës kushtetuese, apo ligjit, por brenda afateve’’ thotë ai për FrontOnline.

Vonesa e krijimit të institucioneve/ Analistët: VV-ja e zvarritë procesin derisa të “blejë” deputetë nga opozita

Sipas tij, edhe me ligj parashihet një gjë e tillë e ankimimit dhe kjo po ndodhë.

‘’Parashihet me ligj që pas publikimit të rezultateve, palët mund të kenë ankimet e tyre dhe kjo po ndodhë, a ka apo nuk ka qëllime për zvarritje sepse kjo është çështje që mund ta paragjykojmë dhe ta vërtetojmë’’ shprehet Baraliu për FrontOnline.

Ish-kreu i KQZ-së, potencon se qytetari i ka lën në pozicion të pa lakmueshëm partitë politike.

‘’A ka ndonjë entuziazëm qoftë nga opozita apo pozita për të themeluar dhe formuar Qeverinë, në këto rrethana dhe në këtë pozicion që qytetari i vendosi, një gjë e tillë edhe mund të konkludohet se ashtu është ashtu, por jo në mënyrë kategorike’’ thotë ai.