Inspektorët e Punës kanë zbarkuar në Sindikatën e Pavarur të Punëtorëve Privat.
Këtë ka bërë të ditur për Front Online, Jusuf Azemi drejtues i kësaj sindikate.
Krejt kjo sipas tij u bë me direktiva të kryeministrit të vendit, Albin Kurti pas kërkesave të sindikatave lidhur me kushtet që po kërkojnë.
“Zotri Kurti ka bërë kërcënim direkt jo vetëm mediatik, por ai i ka dërguar inspektorët e punës këtu”, ka thënë Azemi.
Sipas Azemit inspektorët kërkuan dokumente nga ai se a është sindikata në përputhje me Ligjin për organizimin sindikal.
“Inspektorët kanë kontrolluar dhe kanë kërkuar ligjshmërinë e Sindikatës, se a jemi në përputhje me Ligjin për organizimin sindikal”, ka thënë ai.
Jusuf Azemi pretendon se inspektorët me urdhër të Kurtit janë munduar t’i kontrollojnë veprimet e tij dhe punën që e bënë.
Por pavarësisht kësaj, ai shprehet se nuk do t’i njoftoj organizatat dhe do të merret vet me presionin e kryeministrit Albin Kurti.
“Kanë kontrolluar veprimet e mija dhe punën që e kam bërë. Unë problemet që i kam brenda shtëpisë nuk i qes jashtë shtëpisë”, ka thënë ai për Front Online.
Tash e sa kohë Sindikatat e ndryshme në Kosovë janë duke i bërë presion Qeverisë që ta miratoj Ligjin e Pagave në të kundërtën do të ketë greva e protesta. /Front Online/