Avokati i Popullit: Për dërgimin e rastit të Dakës në Kushtetuese na duhet analizë

Avokati i Popullit, Naim Qelaj, ka thënë se nuk kanë ende një qëndrim konkret sa i përket çështjes së dërgimit në Gjykatë Kushtetuese të rastit të shkarkimit të Valdete Dakës nga pozita e Kryetares së KQZ-së.

“Lidhur me dërgimin e rastit të shkarkimit të ish-kryetares së KQZ-së në Gjykatën Kushtetuese, na duhet një analizë për këtë rast sepse pa një vlerësim paraprak nuk mund të dalim me një qëndrim konkret”, ka thënë Qelaj.

Ndërkaq lidhur me raportimet për shkarkimin e tij, Qelaj për FrontOnline, ka thënë se nuk është në dijeni për këtë.

Ai tha se nuk ka ndonjë informacion apo indikacion që do të shkarkohet nga pozita që mbanë.

“Nuk kam informacion e as indikacione. Unë kam obligim  në mandatin tim për të respektuar kushtetutshmërinë dhe pavarësinë e institucionit nga çfarëdo ndërhyrje politike ose çfarëdo ndërhyrje tjetër”, ka thënë shkurt ai, për FrontOnline.

FrontOnline, ka provuar gjatë ditës të marrë një përgjigje edhe nga Lëvizja Vetëvendosje, por nuk janë përgjigjur./FrontOnline

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Sponsoruar