Audi ka ngritur një padi në një gjykatë në Mynih kundër prodhuesit kinez të automjeteve elektrike Nio për shkeljen e pretenduar të të drejtave të emrave të mbrojtur të markës Audi, sipas gazetës gjermane Handelsblatt.

Sipas Audi, vendimi i Nio për të emërtuar dy modelet e tij ES6 dhe ES8 shkel të drejtat e Audit për markat e mbrojtura të modeleve S6 dhe S8, raporton Handelsblatt.

Një zëdhënës i Nia-s nuk pranoi të komentojë mbi padinë, ndërsa një zëdhënës i Audi nuk ishte menjëherë i disponueshëm për koment për Reuters.

Nio, një markë premium që ka bërë pjesën më të madhe të shitjeve në Kinë deri më tani, hyri në tregun norvegjez në maj të vitit të kaluar dhe planifikon të fillojë shitjen në Gjermani, Holandë, Suedi dhe Danimarkë deri në fund të këtij viti.

Kompania filloi shitjet në Norvegji me modelin ES8, por ata deklaruan se po planifikojnë të lansojnë në Gjermani me sedanin elektrik ET7./FrontOnline/