Asamblisti i AAK-së, në Pejë, Labinot Panxha, ka reaguar ndaj vendimit të Kuvendit Komunal të Pejës lidhur me këmbimin e pronave komunale, duke theksuar shqetësimin e tij për mundësinë e abuzimeve në këtë proces.

Gjatë seancës së fundit për vitin 2024, Panxha paraqiti vërejtjet dhe kundërshtimet, të cilat, sipas tij, nxitën Kryetarin e Komunës, Muhaxheri, të ushtrojë presion mbi Kryesuesin e Kuvendit për t’i ndaluar të folurit në kundërshtim me rregulloren e Kuvendit.

Në një postim në Facebook, Panxha akuzoi Kryetarin e Pejës, Gazmend Muhaxheri për përpjekje për të fshehur të vërtetën lidhur me tregtimin e pronave komunale dhe kërkoi nga Prokuroria e Shtetit të nisë hetime për të vënë përpara drejtësisë ata që janë të përfshirë në këtë proces.

“Ftoj Prokurorinë e Shtetit që t’i fillojë hetimet dhe t’i nxjerrë para drejtësisë të gjithë ata që po vazhdojnë të tregtojnë me pronën komunale,” tha Panxha, duke shtuar se ky veprim është një kërcënim për interesin publik dhe duhet të ndalet menjëherë.

Postimi i tij:

Të dashur qytetar të Pejës,

Sot në seancën e rregullt dhe të fundit për vitin 2024 të Kuvendit Komunal Pejë diskutova në lidhje me pikën e rendit të ditës që kishte për qëllim Këmbimin e Pronave Komunale në emër të interesit publik, në lidhje me këtë temë paraqita vërejtjet dhe kundershtimet e mia të bazuara në fakte, të cilat e shtyen Kryetarin e Komunes që t’i bejë presion të vazhdueshem Kryesuesit të Kuvendit që t’ma ndal fjalen në kundershtim me rregulloren dhe statutin e Kuvendit, vetëm e vetëm që të mos shkoj në vesh të qytetareve e vërteta për tregtimin e prones komunale nga Kryetari Muhaxheri.

Ftoj Prokurorin e Shtetit që t’i filloj hetimet dhe t’i nxjerre para drejtesisë të gjithë ata që po vazhdojnë të tregetojne me pronen komunale.

https://www.facebook.com/LabiPanxhaj/videos/1505945513429229