Policia e Pejës ka arrestuar një person të dyshuar më inicialet E.H i cili në nëntor të vitit 2020 ka tentuar të kryejë një vjedhje në një shtëpi.

Përmes një komunikate për media policia ka bërë të ditur se i njëjti dyshohet se ka kryer edhe vepra penale të vjedhjeve në zonën e qytetit të Pejës.

I dyshuari është arrestuar gjatë ditës së djeshme.

Komunikata e plotë:

Stacioni Policor në Pejë, me datë 21.11.2020, është informuar se në rrugën ‘Bukureshti’ në Pejë, ka ndodhur një tentim vjedhje e rëndë.

Personi i dyshuar me qëllim të përfitimit në mënyrë te kundërligjshme, ka depërtuar rrethojat e oborrit në shtëpinë e viktimës me qellim të kryej vjedhje, pasi që është vërejtur nga pronari i shtëpisë, i dyshuari ka ikur nga vendi i ngjarjes.

Hetuesit e Stacionit Policorë nё Pejё, menjëherë iu kanë përgjigjur vendit tё ngjarjes, tё cilёt kanё marrё masat e nevojshme pёr identifikimin e tё dyshuarit. Pas njё pune intensive operativo-hetimore, me datë 09.03.2021, kanё arritur tё identifikojnё dhe arrestojnё tё dyshuarit:

 E.H. i lindur më 2000

I dyshuari dyshohet se ka kryer edhe vepra penale të vjedhjeve në zonën e qytetit të Pejës

Pas intervistimit, me vendim të prokurorit të shtetit, të dyshuarit iu është caktuar masa e ndalimit policor prej 48 orëve./Front Online/