Një person me problem mendore është arrestuar të hënën në rrugën “Dardania” në Fushë Kosovë.

Policia njofton se të njëjtin njësi policor e kishte hasur duke e sulmuar një person dhe duke tentuar të ia marr telefonin.

“Rr. Dardania, Fushë Kosovë 19.09.2022 – 13:10. Është arrestuar i dyshuari mashkull kosovar për shkak se njësiti policor e kishte hasur duke e sulmuar një person dhe tentuar të ja marr telefonin”, thuhet në raportin e policisë.

I dyshuari kishte tentuar t’i sulmojë edhe disa persona tjerë dhe kishte shkaktuar dëme në disa vetura.

“I dyshuari kishte probleme mendore, dhe në konsultim me prokurorin  është dërguar në repartin e psikiatrisë në Prishtinë dhe pas tretmanit mjekësor me vendim të prokurorit është dërguar në mbajtje për 48 orë”, thuhet tutje në raport./Front Online