Policia e Shtetit ka bërë të ditur se një shtetas malazez ishte arrestuar në dalje të Shqipërisë.

Në njoftimin e lëshuar thuhet se i njëjti ishte me vete pasaportë, kartë identiteti dhe leje drejtimi false, atij i janë sekuestruar edhe dokumentet.

“Në vijim të verifikimeve në hyrje/dalje të Shqipërisë, me qëllim parandalimin dhe goditjen e paligjshmërive në kufi, shërbimet e Policisë Kufitare të Rinasit kanë konstatuar se shtetasi malazez I. V., në dalje të Shqipërisë, kishte paraqitur në sportel, një pasaportë të dyshuar të falsifikuar. Gjatë kontrolleve dhe veprimeve të tjera procedurale, këtij shtetasi iu gjetën dhe 1 kartë identiteti dhe 1 leje drejtimi me gjenealitetet e një shtetasi tjetër, italian”.

“Të treja dokumentet e dyshuara të falsifikuara u sekuestruan në cilësinë e provës materiale, ndërsa shtetasi I. V., 42 vjeç u arrestua në flagrancë për veprat penale ‘Falsifikimi i dokumenteve’ dhe ‘Falsifikimi i letërnjoftimeve, i pasaportave ose i vizave’”, thuhet në njoftim.