Policia e Kosovës ka njoftuar se mbrëmë ka arrestuar tre persona nën dyshimin se kanë kryer veprën penale “Vjedhje e rëndë”.

E.A, H.S dhe A.A janë personat e arrestuar, derisa është identifikuar edhe blerësi.

Gjatë aksionit policer janë gjetur dhe sekuestruar dy armë zjarri dhe gjësendet që dyshohet se janë vjedhur- stoli, ora dore.

Njoftimi i plotë:

Arrestohen tre persona të dyshuar për vjedhje të rëndë, sekuestrohen dy armë zjarri

Mbrëmë nga njësiti i hetimeve të Përgjithshme të rajonit të Prishtinës, janë arrestuar tre persona të dyshuar për veprën vjedhje e rëndë.

Peronat e dyshuar :

– E. A, mashkull 41 vjeç, shtetas i Republikës së Kosovës,

– H. S, mashkull 36 vjeç, shtetas i Republikës së Kosovës

– A.A, mashkull, i mitur, shtetas i Republikës së Kosovës, me vendim të prokurorit të shtetit janë dërguar në qendrën e mbajtjes.

Ndërsa personi i identifikuar si i dyshuar për blerje, pranim të gjësendeve të vjedhura,

– B. A, mashkull 48 vjeç, shtetas i Republikës së Kosovës, aktualisht ndodhet në arrati.

Arrestimi i të dyshuarve ka ardhur si rezultat i një pune të shkëlqyer hetimore të cilën specialist për hetimin e krimit e kanë bërë në rastin e denoncuar me datën 10.02.2023.

Pjesë e aksionit policor ka qenë edhe kontrolli i dy lokacioneve të ndryshme ku personave të dyshuar u janë gjetë dhe sekuestruar dy armë zjarri dhe gjësendet (stoli, disa ora dore, etj.), që dyshohet se janë të vjedhura.

Aktualisht hetuesit policor në koordinim me prokurorin e shtetit janë duke kryer veprimet e nevojshme, lidhur me veprën vjedhje e rëndë dhe dy armëmbajtje pa leje.