Instituti GAP, përmes platformës “Premtimet”, ka publikuar premtimet e kryetarëve të Komunave të Kosovës.

Sipas kësaj platforme, kryearti i Komunës së Gjakovës nga radhët e AAK-së, Ardian Gjini, në zgjedhjet komunale të   vitit 2017-të, ka bërë gjithsej 78 premtime.

Gjini, për katër vjet nuk ka arritur t’i realizon as gjysmën e tyre, prej 78 premtimeve ai i ka realizuar vetëm 29. Ndërsa 20 të tjera janë gjysmë të përmbushura,  17 premtime kanë filluar dhe 12 ende nuk kanë filluar.

Zgjedhjet komunale, në Kosovë, pritet që të mbahen në vjeshtën e këtij viti, deri atëherë nuk dihet nëse Gjini do të arrin t’i realizon shumicën e premtimeve.

Premtimet të cilat ende nuk kanë filluar të implementime janë:

1. Përfundimi i Master Planit të infrastrukturës shkollore në dy vitet e para të qeverisjes

2.Themelimi i inkubatorëve të biznesit nga komuna

3.Ndërtimi i parkingut nëntokësor në anën perëndimore të objektit të gjimnazit

4.Ndërtimi i mbikalimeve në fshatrat Piskotë, Osek Hylë, Skivjan, Hereq, Lug Bunarë, Qerim dhe Bishtazhin, të cilat do të jepen me koncesion, përmes Partneritetit Publiko Privat.

5.Zhvillimi i projektit për turizëm dhe hapja e zonave të reja rekreative në rrugën Kralan-Gërgoc

6.Për Skivjan: shtrimi i rrugës Skivjan-Novosellë e ulët, rregullimi i parkut tek xhamia dhe shtrimi i trotuarit përgjatë rrugës Gjakovë –Deçan

7.Ndërtimi i kanalit të ujitjes ka përfunduar. Ka përfunduar edhe asfaltimi i 7 segmenteve rrugore në fshatin Skivjan. I gjithë ky projekt ka një gjatësi prej 7 km dhe vlera e investimit është mbi 800,000 euro. Rruga Skivjan-Novoselle e Ulët është e përfunduar. Parku tek xhamia është rregulluar.

8.Subvencionimi i së paku gjashtë simpoziumeve mjekësore në vit nga komuna

9.Vendosja e dyerve të blinduara dhe interfonëve në të gjitha hyrjet e banesave në qytet

10.Vendosja e kamerave të sigurisë në të gjitha shkollat e komunës

11.Hartimi i master planit të trafikut urban në Gjakovë deri në qershor të 2018

12.Hartimi i master planit për trajtimin e ujërave të zeza për gjithë komunën deri në fund të vitit 2018