Arbnora Hasani nga AAK: Do të dalim shumë mirë në zgjedhje, ka mbështetje të madhe nga diaspora

Lajme

Arbnora Hasani nga AAK: Do të dalim shumë mirë në zgjedhje, ka mbështetje të madhe nga diaspora

FrontOnline

24 Janar 2021

Kandidatja për deputete nga radhët e Aleancës për Ardhmërinë e Kosovës (AAK), Arbnore Hasani ishte e ftuar sot në emisionin “Kosova Voton” në televizionin T7, ku temë diskutimi ishte “Roli i votave të Diasporës në zgjedhjet e 14 shkurtit”.

Hasani tha se për të ndërtuar një shtet demokratik në zgjedhje duhet të marrë pjesë edhe diaspora.

“Nuk është 1, 2,3 % që jeton jashtë vendit, unë besoj që për me ndërtu një shtet demokratik, edhe pjesa që jeton jashtë vendit duhet të marrë pjesë. Për me pas institucione, demokratike diaspora duhet të merr pjesë dhe të jetë e kyçur me institucionet tona”, tha Hasani në “Kosova Voton”.

Më tej ajo tha se mundësia për të qenë kandidat dhe për të pasur përfaqësues në shtetin e Kosovës është një lloje mesazhi nga mërgata, ngase siç thotë ajo, si popull i Kosovës, nuk e duam vetëm përkrahjen ekonomike por edhe idetë e tyre.

“Për rezervimin e vendeve të diasporës, unë nuk e shoh asnjë vështirësi sa i përket modaliteteve e bëjmë shumë mirë me minoritet”, tha ndër të tjera ajo.

Hasani shtoi se diaspora po keqpërdoret sa i përket votimeve.

“Nuk e mendoj që diaspora po keqpërdoret më shumë se populli brenda sa i përket votimeve”, potencoi Hasani.

Hasani theksoi se dega e Aleancës në nivel të Zvicrës së bashku me nëndegët dhe kantone të ndryshme janë jashtëzakonisht të organizuara .

“Unë mendoj që dega e AAK në nivel të Zvicrës me nëndegët e saj në kantonet e ndryshme, dhe përtej Zvicrës, e shtet e tjera Evropiane, ketë herë jashtëzakonisht është organizuar mirë, me një mbështetje vërtete të madhe që ma kanë shprehur mua si kandidate e përzgjedhur besoj që do të dalim shumë më mirë se zgjedhjet e kaluara me vota”.

“Duke cekë se edhe në zgjedhjet e kaluara numri i votave ka qenë shumë më i madh sipas informatave që i kam, por për arsye tëndryshme llogaria nuk ka dalë në KQZ ashtu siç i kanë shifrat kryetari i AAK në degën e Zvicrës dhe nënkryetarët e nëndegëve” tha ndër të tjera ajo.

Të fundit