Ylli i Hollivudit Angelina Jolie, viteve të fundit është shfaqur në publik vetëm në veshje të gjera, të relaksuara, rrallë jep intervista dhe nuk mund ta shohim aq shpesh në ngjarje. Për vite me radhë, ajo është kritikuar për humbjen e peshës, duke dhënë një shembull të keq për gratë në të gjithë botën. Madje u përmend edhe anoreksia, por aktorja nuk komentoi shumë për artikuj të tillë. Mirëpo, fakti është që vitet kanë bërë pjesën e tyre edhe me të, dhe paraqitjet joshëse në veshje seksi, pantallona lëkure dhe rroba përgjithësisht të ngushta janë përjashtim, jo rregull, për Angelina-n. Më së shpeshti e shohim në shoqërinë e fëmijëve dhe si bën pazar dhe së fundmi ajo dha një intervistë ekskluzive për Vogue pas shumë vitesh.

Ajo e pranoi hapur se jeta e saj e qetë kurrë nuk ka funksionuar dhe se nuk është një nënë ‘që rri në shtëpi”, por që fëmijët e saj e ndihmojnë shumë atë në këtë rrugë të amësisë, e cila nuk është aspak e lehtë, sidomos kur janë gjashtë prej tyre në shtëpi. “Vitet e fundit kanë qenë shumë të vështira dhe unë jam përkushtuar në shërimin e disa plagëve për familjen time. Ngadalë gjithçka vjen në vete, sikur akulli po shkrihet dhe gjaku po kthehet në trupin tim”, përshkroi Angelina postimin. Dhe tani Angie pozoi për revistën ‘National Geographic’ për të shënuar Ditën Botërore të Bletës. Kështu që bota u vizitua nga fotot e saj ku ajo pozoi me një tufë bletësh mbi të. Ajo zbuloi se nuk u lejua të bënte dush për tre ditë para seksionit fotografik. “Ata më thanë: Nëse ke shumë aromë, shampo dhe parfum mbi ty, bletët nuk mund të njohin se çfarë je. Unë u detyrova të fus disa gjëra në hundë dhe veshë që të mos hyjnë brenda”, tha ajo.

“Njëra u zvarrit nën veshjen time dhe qëndroi atje gjatë gjithë kohës. Ishte si në ato komeditë të vjetra”, shtoi ajo. Ajo zbuloi sa e mrekullueshme është të shoqërohesh me këto qenie të bukura. “Unë duhej të isha plotësisht e qetë, gjë që nuk ishte e lehtë për mua. Gjithmonë ekziston mendimi se bletët shihen si krijesa të rrezikshme. Por të gjithë e ndajmë këtë planet. Jam e nderuar dhe gjithashtu e lumtur që e kam këtë përvojë pas meje”, përfundoi ajo./FrontOnline/