Analisti Demhasaj mbështet deklaratat e Haradinajt për bashkim me Shqipëri

Lajme

Analisti Demhasaj mbështet deklaratat e Haradinajt për bashkim me Shqipëri

FrontOnline

24 Janar 2021

Ideja e kryetarit të Aleancës për Ardhmërinë e Kosovës, Ramush Haradinaj për referendum për bashkim me Shqipëri në rast se BE-ja nuk i plotëson premtimet e saj ndaj Kosovës, ka bërë jehonë të madhe. Deklarata e Haradinajt nxiti reagimin edhe të eksponentëve politikë në Serbi, e gjithashtu së fundi ishte edhe MPJ-ja Ruse ajo e cila përmes një kumtese për media idenë e Haradinajt e cilësoi si provokuese dhe të dëmshme për paqen në Ballkan. Në reagimin e MPJ-së Ruse thuhet se deklarata e Haradinajt është provokim i radhës nga Haradinaj, në implikimin e idesë për Shqipërinë Madhe, e cila ide, sipas tyre kohët e fundit po përparon.

Kjo deklaratë e Haradinajt është bërë pothuajshe temë kyçe e debateve në televizionet tona, ku shumë opinionistë deklaratat e Haradinajt i shohin si diçka pozitive në këtë momentum.

Së fundmi këtë ide e ka mbështetur edhe analisti politik Arton Demhasaj.

Ai ripërsëriti fjalët e Haradinaj, ku tha se nëse deri në vitin 2025 nuk kemi njohje të 5 vendeve të BE, nuk fillon anëtarësi, nuk kemi liberalizim, përndryshe ne mund të iniciojmë një referendum që mund të jetë i suksesshëm i bashkimit me Shqipërinë.

‘Po unë e kam këtë (mendim), që nëse ne kemi një çështje të hapur me BE, që është çështja e liberalizimit të vizave dhe kjo çështje po mbetet peng përkundër që të gjitha raportet janë pozitive, janë kaluar gjitha kushtet dhe ka mbetur çështja te Këshilli, vetëm të votohet në Këshill, dhe ata nuk po e votojnë, tash, kjo është një kartë shumë pozitive të cilën duhet ta kemi ndaj BE, që ne e kemi një kohë të caktuar që mund të presim deri në këtë kohë çështjen e njohjes së 5 vendeve të BE, çështjen e fillimit të anëtarësimit, çështjen e liberalizimit e këto, përndryshe ne mund të iniciojmë një referendum që mund të jetë i suksesshëm i bashkimit me Shqipërinë’

‘Pra, mendoj që kjo ka shumë efekte pozitive që munden me u përdorë, që si kemi përdorë më herët. Madje një herë e ka përdorë Edi Rama këtë dhe më duket që një herë e ka përdorur Presidenti Thaçi në një konferencë për shtyp, pra janë përdorë disa herë, por nuk janë mbajtur’, shtoi ai.

Të fundit