Vendimin e LDK-së për të marrë pjesë në procesin zgjedhor për presidentin e ri, e ka mirëpritur amabasadori gjerman në Kosovë, Jorn Rohde.

Ai përmes një postimi në “Twitter” ka thënë se shpreson që të gjithë deputetët të vendosin interesin e qytetarëve mbi interesin politik.

Më tutje ai tha se nuk e imagjinon që vendi të shkojë në zgjedhje sërish në këtë kohë pandemie.

“E lavdërueshme që LDK do të marrë pjesë në procesin zgjedhor për një president të ri. Shpresojmë që të gjithë deputetët e zgjedhur do të ndjekin këtë shembull dhe vendosin nevojat e qytetarëve të Kosovës mbi ato politike. Unë nuk mund ta imagjinoj mbajtjen e zgjedhjeve të reja në mes të valës së pandemisë…”, shkruan Rohde në Tëitter.

Kryetari i LDK-së, Lumir Abdixhiku dje pas takimit me grupin parlamentar të partisë, ka deklaruar se LDK-ja do të marr pjesë në procesin e votimit të presidentit.

“Pas një diskutimi të hapur, shterrës në argumente e gjithëpërfshirës, të gjithë, bashkarisht, kemi marrë vendim që Lidhja Demokratike e Kosovës nuk do të bëjë obstruksione në zgjedhjen e  Presidentetit të vendit. Që LDK, si gjithëherë, do të ushtroj detyrimin e saj kushtetues, e të marrë pjesë në votim për Presidentin e vendit”, ka thënë Abdixhiku./Front Online

Commendable that LDK will participate in election process for a new president. Hopefully all elected MPs will follow and put the needs of Kosovo citizens above political partisanship. I can hardly imagine risking new elections in the midst of the currently raging pandemic wave

— Ambassador Jörn Rohde (@GermanAmbKOS) March 31, 2021