×
  • Lajme
  • Lajme

    Ambasada e Kosovës në Itali ka një njoftim për kosovarët që banojnë atje

    FrontOnline
    05 Mars 2021

    Ambasada e Republikës së Kosovës në Itali u ka bërë thirrje qytetarëve që banojnë në Itali që t’i respektojnë masat dhe protokollet parandaluese anti Covid-19, të përcaktuara në Dekretin e fundit të Qeverisë së re italiane, i cili hyn në fuqi nga sot datë 06 mars 2021 dhe mbetet i vlefshëm deri me datë 06 prill 2021.

    Në njoftimin e tyre thuhet se në dispozitat e dekretit është parashikuar zgjatja e kufizimeve të qarkullimit deri më 27 mars.

    Më poshtë mund ta lexoni njoftimin e plotë, ku do të informohen për masat e reja që do të hyjnë në fuqi:

    Të nderuar bashkatdhetarë, Ambasada e Republikës së Kosovës në Itali u bën thirrje të gjithë shtetasve kosovarë me banim/qëndrim në Itali që të respektojnë masat dhe protokollet parandaluese anti Covid-19, të përcaktuara në Dekretin e fundit të Qeverisë së re italiane, i cili hyn në fuqi nga sot datë 06 mars 2021 dhe mbetet i vlefshëm deri me datë 06 prill 2021.

    Dispozitat e Dekretit në fjalë parashikojnë zgjatjen e kufizimeve të qarkullimit/lëvizjes deri me 27 mars 2021 si në vijim:

    Lëvizjet brenda territorit italian: deri me datë 27 mars 2021, parashikohen kushtëzime për qarkullimin dhe lëvizjet nga një rajon në tjetrin në të gjithë territorin italian;

    lëvizjet lejohen vetëm për arsye pune, shëndetësore, kthim në vendbanim dhe nevoja urgjente, dhe për secilin rast, shtetasit duhet të pajisen dhe të kenë marrë me vete formularin (vetë-deklarim) ku dëshmohet arsyeja e lëvizjes;

    Udhëtimet Itali-Kosovë dhe anasjelltas: lejohen vetëm në raste urgjente të dëshmuara si: për arsye pune, shëndetësore, studimi, urgjence dhe kthimi në vendbanim.

    Më pas, kthimi në Itali parasheh paraqitjen e formularit të vetë-deklarimit ku secili shtetas shpjegon arsyen e kthimit dhe dokumente të tjera mbështetëse që e konfirmojnë hyrjen në Itali, si dhe detyrimin e respektimit të masave të vetë izolimit të detyrueshëm 14 ditorë dhe mbikëqyrjen shëndetësore

    ;Kalimi tranzit nëpër Itali: të gjithë shtetasit kosovarë që udhëtojnë nga shtetet e BE-së mund të kalojnë tranzit përmes territorit italiane, duke plotësuar formularin e vetë deklarimit, ku shpjegohet qartë qëndrimi në 14 ditët e fundit dhe duke respektuar detyrimin që të lëshojnë territorin italian brenda 36 orëve nga momenti i hyrjes.

    Lejet e qëndrimit/permessi di soggiorno: të gjithë shtetasit kosovarë të cilëve u ka skaduar leja e qëndrimit italiane, DPCM Nr.2 i datës 14.01.2021, neni 5, parashikon zgjatjen e vlefshmërisë së tyre deri më datë 30 prill 2021.

    Ju informojmë gjithashtu se gjatë kësaj periudhe, Ambasada e Republikës së Kosovës në Itali ofron shërbime konsullore vetëm me termine/takime të rezervuara paraprakisht. Të gjithë shtetasit kosovarë që banojnë në komunat/regjionet ku është e ndaluar/kufizuar lëvizja dhe ndërkohë kanë marrë termin për ndonjë shërbim konsullor, janë të lutur me mirësi që këto termine t’i zhvendosim në një kohë më të përshtatshme, kur kushtet shëndetësore të jenë përmirësuar.

    Ju njoftojmë gjithashtu se për shkak të situatës epidemiologjike në vend, dhe në respekt të kufizimeve të lëvizjes/qarkullimit, Ambasada e Republikës së Kosovës në Itali do të mundësojë që shërbimet konsullore të poshtë shënuara të ofrohen edhe në distancë përmes komunikimit me e-mail:Vërtetime për Gjendjen Martesore;Vërtetim mbi vërtetësinë e dokumenteve;

    Vërtetim për kthimin e pajetë të shtetasve të Kosovës në Kosovë;Lëshimi i këtyre vërtetimeve do të realizohet vetëm pas pranimit të dokumentacionit përkatës dhe të kompletuar, siç parashikohet nga legjislacioni përkatës për secilin veprim.

    Për çdo kërkesë me natyrë urgjente, lutemi kontaktoni në:- Tel: 06/85356571, nga e hëna deri të enjten nga ora 09 – 17;- Nr. emergjent: +39/3381314560-

    Email: consulate.rome@rks-gov.net; embassy.italy@rks-gov.net; – FB: @Ambasada e Republikës së Kosovës në Itali

    Lutemi kontrolloni vazhdimisht webfaqen zyrtare dhe profilin tonë zyrtar në Facebook për t’u informuar mbi përditësimet e reja lidhur me rregullat e qarkullimit dhe ofrimin e shërbimeve konsullore.

    Vetëm në këtë mënyrë, duke respektuar me rigorozitet masat parandaluese, ne mbrojmë shëndetin tonë dhe atë të afërmeve tanë.Ju falenderojmë për mirëkuptimin dhe bashkëpunimin!

    Nga Rubrika
    Lajme11 Maj 2025
    Sot rreth orës 21:00 në rrugën ‘C’ në Prishtinë, ka ndodhur një aksident trafiku në mes të një automjeti dhe një këmbësori....
    Lajme11 Maj 2025
    Dy persona kanë raportuar në polici, se derisa janë takuar me 24-vjeçarin A.T., të cilit ia kanë dhënë një pistoletë për t’ia...
    Lajme11 Maj 2025
    Kryetari i Lëvizjes Vetëvendosje, Albin Kurti, ka nisur fushatën e zgjedhjeve lokale nga Prizreni. Në një postim të bërë nga partia e...
    Të tjera
    Bota/Rajoni11 Maj 2025
    Sali Berisha e ka quajtur Baton Haxhiun, ‘gënjeshtar të gatshëm’ të Edi Ramës, shkaku i exit pollit të publikuar nga Albanian Post,...
    Bota/Rajoni11 Maj 2025
    Një nuse e veshur me fustan të bardhë ka vendosur të votojë në ditën e saj të dasmës në një qendër votimi...
    Bota/Rajoni11 Maj 2025
    Sali Berisha nga Partia Demokratike u shpreh i ashpër me gazetarin Baton Haxhiu, pasi exit polli i tij nxori PD-në në vendin...
    Bota/Rajoni11 Maj 2025
    Analisti Baton Haxhiu shprehet me bindje në “Opinion” se fitues në këto zgjedhje është Edi Rama, si udhëheqës i Partisë Socialiste e...
    Bota/Rajoni11 Maj 2025
    Presidenti ukrainas Volodymyr Zelensky thotë se është i gatshëm të takojë presidentin rus Vladimir Putin “personalisht” në Stamboll të enjten për bisedime...
    Bota/Rajoni11 Maj 2025
    Ka përfunduar edhe zyrtarisht votimi në zgjedhjet parlamentare në Shqipëri, me Exit Pollet që e tregojnë Partinë Socialiste fituese. Komisioneri Shtetëror i...
    -->

    FrontOnline, © 2025 Të gjitha të drejtat e rezervuara.