×
  • Opinione
  • Opinione

    Albin Kurti po bën pis Kosovën kundër Perëndimit, edhe në Maqedoninë e Veriut

    Mero Baze
    13 Prill 2024

    Nga Mero Baze:

    Albin Kurti është përfshirë i gjithi në fushatën elektorale në Maqedoninë e Veriut, ku do mbahen zgjedhjet për president dhe ato parlamentare.

    Motivi përse ka hyrë në këtë betejë, formalisht është beteja me Ali Ahmetin, si një nga figurat kyçe të UÇK në Kosovë e më pas në Maqedoni në betejën e vitit 2001, pas së cilës hyri në politikë.

    Duke qenë se në Kosovë e quan të kryer betejën me ish- komandantët e UÇK, pasi shumica e tyre janë në Hagë dhe ai i ka mundur politikisht në mungesë, e justifikon këtë ndërhyrje, se do të lajë llogaritë dhe me Ali Ahmetin.

    Ky është motivimi që ai u bën mbështetësve të vet, kur u thotë se ne duhet të bëjmë historinë e re të shqiptarëve, duke i fshirë nga historia të tjerët.

    Po të ishte deri këtu, pra po të ishte thjesht një egocentrizëm i sëmurë i një lideri narcist, edhe mund të tolerohej duke e injoruar, se nuk është fundi i botës.

    Por ajo që po bën në Maqedoninë e Veriut e tejkalon dimensionin e ambicieve të tij.

    Në Maqedoni, beteja këtë radhë është mes forcave pro-perëndimore dhe atyre që mbështeten nga Rusia, dhe që janë nacionalistët maqedonas të VMRO- DPMNE, ose ish- parti e Gruevskit, i cili është strehuar në Hungari.

    Në zgjedhjet e kaluara, me kërkesë të vendeve të BE dhe SHBA, Shqipëria u përfshi në unifikimin e faktorit shqiptar, që rezultoi në fakt me largimin nga pushteti të forcave nacionaliste të VMRO- DPMNE.

    Këtë radhë Albin Kurti u përfshi në këtë histori duke e përçarë faktorin shqiptar që mbështet kandidatët pro-perëndimor në Maqedoninë e Veriut dhe duke i bërë ata objekt sulmi.

    Në sulme është përfshirë zyrtarisht zyra e Albin Kurtit. Para disa ditësh zëdhënësi i tij, sulmoi Bujar Osmanin, kandidatin për president të koalicionit shqiptar pro Perëndimit, duke e akuzuar se kur ka drejtuar OSBE para një viti, nuk pati paralajmëruar sulmin në Banjskë(?) D.m.th OSBE, sipas tyre, duhet të kishte shërbime sekrete që të paralajmëronte Albin Kurtin për sulmin në Banjskë, ndërsa Albin Kurti që drejton shtetin e Kosovës, flinte gjumë.

    Sulmi edhe pse qesharak në dukje, është bërë për të dhënë si mesazh politik, për t’i treguar që ai kandidat, pra kandidati shqiptar që ka mbështetje perëndimroe, është armik i Kosovës së Albin Kurtit.

    Sulmet kanë vazhduar dhe më tej në studio televizive, nga njerëz të Albin Kurtit.

    Por ashtu siç thashë, dëmi nuk është se po përjetohet si betejë e Albin Kurtit, por dëmi është se po përjetohet si betejë kundër aleancës pro-perëndimore në Maqedoninë e Veriut.

    Shqiptarët në Maqedoni, mund të jenë të lirë dhe të realizuar vetëm në një shtet demokratik pro-perëndimor. Çdo regjim tjetër ata i bën të mos ndjehen në vendin e tyre dhe i kthen në qytetarë të dorës së dytë.

    Beteja e Albin Kurtit është pikërisht për t’i kthyer ata në qytetarë të dorës së dytë.

    Nuk ka rendësi nëse kandidati i Albin Kurtit, Taravari, del i 4 apo i gjashti. Ajo që do mbahet shënim, është që Albin Kurti bëri betejë që në Maqedoni të Veriut për të mos fituar koalicioni pro-perëndimor. Ato mund të mos fitojnë dhe pa sulmin e Abin Kurtit, ndaj është e rrezikshme që ky të bëhet pis në emër të Kosovës, kundër Perëndimit.

    Se boll e ka damkën e tillë për atë që bën në Kosovë, për atë që tentoi të bëjë në Shqipëri. Kjo në Maqedoninë e Veriut është tepër, pasi kjo ndikon drejtëpërdrejtë në liritë e shqiptarëve në atë shtet.

    Nuk është punë votash, është fakti që Albin Kurti u dikton atyre të jetojnë në një shtet anti-perëndimor. E kanë pas një të tillë deri më 2001, sa rrëmbyen armët. Nuk ka pse lufton Albin Kurti t’ua rikthejë përsëri.

    Delegacioni nga Drake University viziton Devolli Corporation, njësinë Prince Caffe
    Nga Rubrika
    Opinione24 Maj 2024
    Shkruan: Enver Hasani E shprehur me fjalë popullore, zoti Kurti ka gatuar piten e quajtur kushtetutë materiale në dobi të serbëve të...
    Opinione23 Maj 2024
    Shkruan: Blerim Shala Fillimisht, kjo Rezolutë është dashur të hidhet në votim me 2 maj, por pastaj është shtyrë dy herë, për...
    Opinione22 Maj 2024
    Shkruan Ben Andoni: Disa nga njerëzit e opozitës i kanë kërkuar dhe vazhdojnë t’i apelojnë dëshpërimisht publikut t’i ndjekë në protestat e...
    Të tjera
    Vip25 Maj 2024
    Nora Istrefi dhe Robert Berisha kanë vite që janë ndarë. Por se si qëndron raporti i tyre në ditët e sotme, e...
    Lajme25 Maj 2024
    Në vazhdën e takimeve me kongresistë në Shtetet e Bashkuara të Amerikës, shefja e diplomacisë kosovare Donika Gërvalla është pritur në takim...
    Lajme25 Maj 2024
    Personi që mbeti i lënduar nga një mjet shpërthyes në fshatin Babaj Bokës të Gjakovës, iu është këputur shuplaka e dorës, po...
    Lajme25 Maj 2024
    Ministrja e Arsimit, Arbërie Nagavci, ka marrë pjesë në Festivalin e Shkathtësive Digjitale që është mbajtur në Prizren, nga ku tha se...
    Lajme25 Maj 2024
    Plani i rritjes së Bashkimit Evropian (BE) për Ballkanin Perëndimor, i cili siguron akses në ndihmë financiare shtesë prej gjashtë miliardë eurosh,...
    Lajme25 Maj 2024
    Policia Kufitare e Morinës ka arrestuar një shtetas të Serbisë, i cili ishte i shpallur në kërkim ndërkombëtar, i dënuar për prodhim...

    FrontOnline, © 2024 Të gjitha të drejtat e rezervuara.