Gjykata Themelore e Pejës ia ka caktuar masën e arrestit shtëpiak ish-Ministrit të Shëndetësisë Numan Baliq.
Sipas aktakuzës së ngritur, më 29 shtator 2020, nga Prokuroria Themelore në Pejë, Numan Baliq, në cilësi të profesionistit shëndetësor, e ka ngacmuar seksualisht viktimën e cila ishte e hospitalizuar në Spitalin e Pejës
Baliq nuk e ka pranuar fajësinë duke deklaruar se nuk qëndrojnë asgjë nga ato që ka thënë denoncuesja e rastit.
Avokatja e të akuzuarit, Aurora Mulhaxha, ka propozuar që të ndërpritet masa e paraburgimit dhe të zëvendësohet me njërën nga masat e tjera që janë në vlerësim të gjykatës.
Prokurorja e çështjes Ardiana Veseli ka kërkuar caktimin e paraburgimit për arsye të ikjes.
Ish-ministri i Shëndetësisë kërkon që të mbrohet në liri apo të caktohet edhe ndonjë masë tjetër.
