Aktorja amerikane Anne Heche është në gjendje kritike pas një aksidenti me makinë në Los Angeles. Heche, ish-partnerja e prezantueses Ellen DeGeneres dhe fituese e çmimit Emmy, përplasi Mini Cooper-in e saj në një garazh në lagjen Mar Vista të premten në mëngjes rreth orës 11:00, raporton Hello. Makina dhe shtëpia morën flakë dhe Heche u tërhoq nga rrënojat dhe u vendos në një barelë përpara se të dërgohej me urgjencë në spital. Raportohet se ajo është e intubuar dhe në gjendje të rëndë, transmeton FrontOnline.

Edhe pse makina është e regjistruar në Anne Heche, ende nuk është konfirmuar nëse aktorja drejtonte mjetin. Mediat gjithashtu  shkruajnë se si Anne u largua nga vendi i aksidentit të dytë përpara se të përplaste automjetin e saj në një garazh. Ajo dyshohet se ka nuk është ndalur në shenjën stop dhe ka vozitur në mënyrë të paligjshme.

Sipas Departamentit të Zjarrfikësve të Los Anxhelosit, një grua u gjet brenda makinës dhe u dërgua në spital. Edhe pse ndërtesa tani është ‘e pabanueshme’, pronari i shtëpisë fatmirësisht është i padëmtuar.

“Ne patëm një incident të shumëfishtë. Patëm një aksident me makinë, një grua mbeti e ngecur brenda një makine dhe e njëjta makinë shkaktoi një zjarr me të cilin duhej të merreshim”, tha Departamenti i Zjarrfikësve në Los Anxhelos.

Heche është e njohur për rolet e saj në filma si Psycho, Donnie Brasco dhe Cedar Rapids, dhe ishte në një lidhje me prezantuesen Ellen DeGeneres midis 1997 dhe 2000./FrontOnline/