Aktori amerikan Armie Hammer është regjistruar për trajtim mjekësor. Ai kërkoi ndihmë për shkak të problemeve me drogën, alkoolin dhe seksin.  Aktori u pa në aeroport duke i dhënë lamtumirën ish-gruas së tij Elizabeth Chambers dhe dy fëmijëve të tyre.

“Elizabeth dhe fëmijët e shoqëruan atë. Ata u përqafuan shumë dhe dukej shumë emocionuese”, tha një burim për media. Një mik i familjes i aktorit pretendon se Armie është i vendosur të përmirësojë shëndetin e tij dhe dëshiron të marrë kujdestarinë e fëmijëve. “Është një shenjë e qartë se ai po merr kontrollin e jetës së tij dhe se ai e di se ky është një hap drejt mirëqenies së tij”, thotë një mik i aktorit.

Elizabeth bëri kërkesë për divorc nga aktori në korrik të vitit 2020, para se të ndodhte skandali. Kujtojmë, Armie u përball me akuza të abuzimit të partnerëve në lidhje me kanibalizmin në fillim të këtij viti. Mesazhet që thuhet se janë dërguar nga Armie kanë rrjedhur në publik në atë kohë, të cilat përfshinin biseda rreth BDSM, së bashku me referenca të shumta seksuale ndaj akteve kanibaliste dhe marrjes së mostrave të gjakut. Në një mesazh, aktori gjoja i shkruajti gruas: “Unë jam 100% një kanibal. Unë dua të të ha ty”./FrontOnline/