Në 11 mujorshin e këtij viti, 87 aksidente fatale kanë ndodhur ku kanë mbetur të vdekur 98 persona, raporton Front Online.

Që nga janari e deri në muajin nëntor të këtij viti në total kanë ndodhur gjithsej 18 mijë e 886 aksidente.

Nga krejt këto aksidente mbetën të lënduar gjithsej 13 mijë e 369 persona.

Krejt këto statistika janë bërë të ditura për Front Online nga Policia e Kosovës.

Për shpejtësinë e tejkaluar në trafik gjatë 11 muajve u gjobitën gjithsej 602,858 qytetarë.

Krahasuar këto shifra me vitin e kaluar del se vitin 2021 ndodhën 19 mijë e 212 aksidente.

Nisur nga ky rrezik i jetës së qytetarëve, në mënyrë që të parandalojnë aksidentet në komunikacion, Policia e Kosovës në javët e fundit nëpër rrugë ka shtuar numrin e policëve me vetura civile.