Sot në rrugën “ Petro Nini Luarasi” në Gjakovë ka ndodhur një aksident trafiku me lëndime të rënda trupore dhe dëme materiale. Të përfshira janë një veturë dhe një motoçikletë.

“Deri te aksidenti ka ardhur nga pakujdesia te dyshuarit i cili me automjetin e tij Opell Astra, i cili ishte duke lëvizur përgjatë rrugës dytësore (të dheut) dhe kur arrinë në rrugën kruesore me përparësi kalimi fillon kyçjen në menyrë të pasigurtë dhe ia merr përparësinë e kalimit motoçikletes me ngasës viktimës, dhe motocikleta përplaset ne automjet në pjesën e përparme”, njofton policia.

“Si pasojë e aksidentit lëndime trupore ka pësuar motoçiklisti, i cili është dërguar në Emergjencën e Gjakovës dhe pas marrjes së ndihmës së parë ai shtrohet në repartin e Ortopedisë për shkak të lëndimeve të rënda frakturë në këmbën e majtë. Sipas mjekëve kujdestar viktima është jashtë rrezikut për jetë”, përfundon njoftimi i policisë.