Një aksident trafiku me fatalitet ka ndodhur sot rreth orës 13:00 në rrugën rajonale Mitrovicë–Skenderaj, saktësisht në fshatin Klinë e Ulët, ku si pasojë ka humbur jetën një grua rreth moshës 65-vjeçare.
Lajmin për Front Online e ka konfirmuar zëdhënësi i policisë së Kosovës për rajonin e Mitrovicës, Avni Zahiti.
Ai ka thënë se në aksident janë përfshirë dy vetura, teksa kanë mbetur të lënduar edhe katër persona tjerë të cilët janë dërguar për tretman mjekësor.
“Sot, rreth orës 12:54,është raportuar për një aksident trafiku me pasojë fataliteti, i shkaktuar në rrugën rajonale Mitrovicë -Skenderaj, përkatësisht në fshatin Klinë e Ulët. Në aksident janë përfshirë dy vetura, ku si pasojë e lëndimeve të pësuara në aksident ka humbur jetën viktima femër rreth 65 vjeçare, ndërsa lëndime kanë pësuar edhe katër persona tjerë të cilët janë dërguar për tretman mjekësor ne Spitalin Rajonal në Mitrovicë”, tha ai.
Sipas Zahitit njësitet përkatëse policore kanë dalë në vendngjarje dhe po zhvillojnë hetimet për aksidentin./Front Online/
