Pas publikimit të listave të kandidatëve për deputetë në zgjedhjet e 14 shkurtit, rrodhën lajme se AKR është duke e kërcënuar LDK-në me largimin nga koalicioni pasi që nuk janë të kënaqur me renditjen e kandidatëve të tyre në listë.
Zëdhënësi i AKR-së, Vesel Makolli, për FrontOnline tregoi se LDK i ka ikur marrëveshjes që kishin, duke bërë ndryshime.
“Është një pakënaqësi, nuk është kërcënim, se ne jemi marrë vesh për një tjetër renditje, kur i kemi dërguar kandidatët, i kemi dërguar edhe numrat që jemi marr vesh më herët, ekipet tona që janë marrë vesh, të nivelit më të lartë. Pastaj është bërë një ndryshim.”
“Nuk është se pse ju ka ndërruar numri presidentit, Behgjet Pacollit, se në marrëveshja ka qenë numër katër, tash është numër 5 . Po nuk është kjo pakënaqësi e jona shkaku i Behgjet Pacollit, se atë vendos i 80-ti, 100-ti, ai merr vota, nuk është aty problemi. Por, problem është tek të tjerët kandidatë, ku pastaj është krijuar një mos kënaqësi, ka deklaruar aipër FrontOnline.
“ Nuk dua ta përdori ndonjë fjalë më të rëndë por nuk na kanë dal në fjalë, i kanë ikë marrëveshjes, kanë bërë ndryshime në marrëveshje. Andaj në atë kontekst sot ekipet tona janë duke punuar ndërmjet veti për ta sjellë situatën në pozicion që ne e kemi propozuar”, tha Makolli.
