Xhudisti kosovar, Akil Gjakova, ka fituar medaljen e argjendtë në kategorinë deri në 73 kilogramë në Grand Slamin e Parisit.

Në finalen Gjakova është mposhtur nga Shakhram Ahadov i Uzbekistanit.

Gjakova në gjysmëfinale ka triumfuar ndaj xhudistit italian me përvojë, Manuel Lombardi, duke siguruar kështu një vend në luftën për të artën. Ndërkohë, në çerekfinale, ai ka mposhtur me wazaari xhudistin Rashid Mammadaliyev.

Para kësaj, Gjakova kishte kaluar me sukses edhe përballjet në fazat e para. Në raundin e tretë, ai kishte triumfuar ndaj japonezit Shusuke Uchimura, duke siguruar një vend mes tetë më të mirëve. Paraprakisht ai kishte fituar me ‘Ippon’ ndaj francezit Jean Peter./RTK