Kryetari i Prishtinës, Shpend Ahmeti, ka folur edhe njëherë rreth vaksinës për COVID-19. Në një postimi në Facebook ai ka thënë se pas porositjes së vaksinës, duhet të caktohet procedura e përdorimit të drejtë me prioritete.
Ai ka thënë se duhet të sigurohet sasi minimale ku me prioritet do te vaksinoheshin punëtorët shëndetësorë, të moshuarit dhe personat me sëmundje kronike.
Ahmeti tutje ka shkruar se të gjitha shtetet janë duke punuar në përgatitjet logjistike për vaksinë.
“Porosia e dozave është veç njëra pjesë. Transporti në -60 gradë dhe logjistika e distribuimit të vaksinave janë sfida që kërkojnë planifikim. Sipas të gjitha gjasave Gjermania fillon me 15 dhjetor e Britania e madhe ndoshta edhe më herët. Sipas parashikimeve, në ShBA do të duhen rreth 6-8 muaj që vaksinën ta marrin mjaftueshëm njerëz”, ka shkruar ai.
Sipas tij, Qeveria e Kosovës duhet që krahas porosisë menjëherë ta bëj gati edhe planin e distribuimit, duke shtuar se duhet të kërkojë nga komunat që të dorëzojnë plane operative.
“E di që ju duket herët të diskutojmë tani, por mos diskutimi tani na shkakton humbje të dy muajve në fund”, ka shkruar ai.
Postimi i plotë:
Të gjitha shtetet janë duke punuar në përgatitjet logjistike për vakcinë. Porosia e dozave është vec njëra pjesë. Transporti në -60 gradë dhe logjistika e distribuimit të vakcinave janë sfida që kërkojnë planifikim. Sipas të gjitha gjasave Gjërmania fillon em 15 dhjetor e Britania e madhe ndoshta eshe më herët. Sipas parashikimeve, në ShBA do të duhen rreth 6-8 muaj që vakcinën ta marrin mjaftueshëm njerëz.
Qeveria e Kosovës duhet që krahas porosisë menjëherë ta bëj gati edhe planin e distribuimit. Duhet të kërkojë nga komunat që të dorëzojnë plane operative.
Meqenëse nuk do të mund të vakcinohen të gjithë në të njejtën kohë duhet të caktojmë procedurat e Përdorimit të Drejtë me prioritete.
Është kyçe që së paku të sigurohet sasi minimale ku me prioritet do të vakcinoheshin 1. Punëtorët shëndetësor 2. Të moshuarit dhe 3. Personat me sëmundje kronike.
Të tjerët mund të presim!
P.S. E di që ju duket herët të diskutojmë tani, por mos diskutimi tani na shkakton humbje të dy muajve në fund.
