Zëvendësministri i Punëve të Jashtme dhe Diasporës i Republikës së Kosovës, Kreshnik Ahmeti, po merr pjesë në Forumin Ekonomik të Delfit, i cili po mbahet këto ditë në Greqi.
Në kuadër të këtij forumi, ai sot ka zhvilluar takim me zëvendësministren për Punë të Jashtme të Greqisë, Alexandra Papadopoulou, ku u vlerësua mbështetja e Greqisë për Kosovën në proceset integruese rajonale dhe evropiane, njoftojnë nga MPJD.
Theksohet se në qendër të diskutimit në mes të dy homologëve ishte avancimi i marrëdhënieve bilaterale, forcimi i shkëmbimeve ndërmjet institucioneve, si dhe rëndësia e zgjerimit dhe përparimit të bashkëpunimit ndërmjet dy vendeve, në funksion të paqes, sigurisë dhe prosperitetit të qëndrueshëm në rajon.
