Ish-kryetari i Prishtinës, Shpend Ahmeti, ka folur edhe për ndryshimet në skenën politike botërore dhe efektin që do ta kenë edhe për Kosovën.

Ai tha se kushdo që bëhet ministër i Punëve të Jashtme në Kosovë është mirë të mos shihet dhe të mos bie shumë në sy të administratës së re të Shteteve të Bashkuara të Amerikës.

“Pata thënë që fitorja e [Donald] Trumpit nëse ndodh, kam thanë që [zëvendëspresidenti] J.D. Vance është një izolacionist, që besojnë që luftërat nëpër botë nuk janë punë e Amerikës dhe se Ukraina do të pësojë më së shumti prej fitores së tyne, dhe kjo po del e vërtetë, dmth. Kush e ka përcjellë politikën në Amerikë është ditë që ka me ndodh kjo”, ka thënë Ahmeti në DPT Te Fidani.

“E tash kjo ka pasoja. Nëse s’je në tavolinë je në meny, kom thanë që qeverinë e re, kushdo që bohet ministër i Punëve të Jashtme, ish dashtë me u kanë dikush që s’doket shumë”.

“Që kur të ulet, ulet pak si mrapa që mos me iu ra në mend që jemi”, vijon Ahmeti me një dozë humori.