Kryetari i Prishtinës, Shpend Ahmeti, i është kundërpërgjigjur deputetes së LDK-së, Besa Gaxherri, e cila në Debat Plus e kritikoi atë, duke i thënë se buxheti i komunës së tij është gjithë në deficit.
Ai ka thënë se nuk e ka hallin që e kritikojnë, teksa thotë se Gaxherri e ka ngatërruar deficitin me suficit.
Ndërsa në fund thotë se ai s’do ta sulmojë LDK-në e as me rrëzu qeverinë, sepse nuk e ka atë fuqi.
Ky është postimi i plotë i tij:
Nuk e kam hallin që më kritikojnë e e marrin diskutimin për ekonominë si sulm ndaj partisë e qeverisë. E kam hallin që Znj. Gaxherri për të cilën kam respekt si person, thotë që komuna ka deficit 90 përqind. Dmth kena shpenzu më shumë se që kena pas të hyra. Mendoj se ka dasht me thënë suficit. Dallim i madh.
Këta deputetë votojnë buxhet. E diskutojnë ekonomi. E kuptoj që jo çdo deputet është ekonomist (znj deputete është Ekonmiste) por një njohuri bazë duhet ta kemi. E ftoj deputeten në takim nesër në Komunë për të diskutuar për ekonominë e vendit, buxhetet, përfshi edhe buxhetin e Prishtinës. Besoj se do ta kuptojë më mirë edhe buxhetin e Kosovës të cilin e ka votuar vetë në rishikim. Pa ironi e cinizëm. Mbase ma shpjegon deficitin e Prishtinës. Dhe unë do të mundohem me ja u shpjegu 1 miliardë në BQK dhe pse kjo nuk është as e mirë e as e arsyeshme në këtë kohë.
Unë kam thënë që shteti i Kosovës i ka 1 miliard në BQK (qeveri, komuna, institucione). Në kohë krize kjo është e paarsyeshme. Dhe këtu kemi dështu si klasë politike pa përjashtim.
Kërkoj falje znj. deputete Gaxherri por këtë krizë nuk po muj me e pa nga prizmi i partive politike e i luftës politike. As spo du me sulmu ldk e as me rrezu qeveri. Se kam atë fuqi. Por me i thënë budallakisë budallaki smundet me ma ndal askush.
