Asociacioni i Gazetarëve të Kosovës – AGK, ka reaguar, duke e dënuar gjuhën denigruese dhe etiketimet që drejtori i Financave në Telekomin e Kosovës, Feim Kelmendi, ka përdorur ndaj gazetarëve të portalit “Front Online” lidhur me një hulumtim që flet për Telekomin.
Sipas njoftimit për media nga AGK, thuhet se drejtori financiar i kësaj ndërmarrjeje publike ka fyer rëndë gazetarët duke përdorur edhe etiketime të papranueshme si “moti ju kam thane qe: S’ka bir nene e as bire k**ve qe gjene skandale ne Telekom”.
Telekomi i Kosovës merr me qira vjetore rreth 190 mijë € zyrat nga dosti i zv/ ministrit Durmishi
Për më tepër, Kelmendi ka vazhduar fyerjet edhe në profilin personal të Kryeredaktorit të Front Online, Lavdim Hamidi.
“Kjo nuk është hera e parë që Drejtori Financiar i Telekomit të Kosovës, Feim Kelmendi, fyen, kërcënon dhe etiketon gazetarët e medieve në Kosovë.
AGK-ja, i bën thirrje Bordit dhe Drejtores së këtij institucioni që të distancohen nga gjuha ofenduese e Kelmendit dhe etiketimet e përpjekjet për të ndërhyrë në punën e gazetarëve”, thuhet në reagimin e AGK-së.
