Agjencia Mjekësore Evropiane (EMA) njoftoi se nuk e miratoi ilaçin e ri aducanumab kundër sëmundjes Alzheimer, sepse ai rezultoi i paefektshëm në trajtimin e të rriturve me simptoma të fazës së hershme të sëmundjes, shkruan BBC.

Organizatat bamirëse kushtuar pacientëve që vuajnë nga sëmundja e Alzheimerit thanë se ishin të zhgënjyer me vendimin, sepse ai lë mijëra njerëz pa trajtim.

Ilaçi u miratua me polemika në qershor në Shtetet e Bashkuara dhe përfaqëson formën e parë të re të trajtimit për sëmundjen në 20 vitet e fundit.

Shumë shkencëtarë në atë kohë thanë se kishte pak prova për përfitimet e saj, pavarësisht se synonte amiloidin, një proteinë që krijon nyje anormale në trurin e njerëzve me sëmundjen Alzheimer.

Prodhuesi i barit Biogen ka të drejtë të kërkojë që vendimi i EMA të rishqyrtohet gjatë dy javëve të ardhshme. Nuk dihet nëse kompania do të paraqesë një kërkesë të veçantë për miratim në Agjencinë Britanike për Kontrollin e Barnave dhe Produkteve Shëndetësore.

EMA e bazon vendimin e saj në hulumtimin e kryer në më shumë se 3000 pacientë me sëmundjen e Alzheimerit në fazat e hershme, të cilat krahasuan efektet e dozave të ulëta dhe të larta të ilaçit me placebo./FrontOnline/