Agim Veliu i përgjigjet ashpër Xhelal Sfeçlës: Në vend që të mirret me skandalin e “Dhomës së Përgjimeve”, merret me gënjeshtra

Lajme

Agim Veliu i përgjigjet ashpër Xhelal Sfeçlës: Në vend që të mirret me skandalin e “Dhomës së Përgjimeve”, merret me gënjeshtra

FrontOnline

27 Tetor 2020

Ministri i Punëve të Brendshme, Agim Veliu ka renditur disa akuza për Xhelal Sfeçlën e Lëvizjes Vetëvendosje, Veliu shkruan se në vend që të turpërohet Sfeçla se la qytetarët pa targa e dokumente personale po tenton të manipulojë publikun me gënjeshtra për këtë procese.

Veliu thotë se Sfeçla sa ishte në ministrinë që ai e udhëheq nuk kreu punë tjetër përveç që dha leje të lëvizjes për dostat e tij, në vend se të jep llogaridhënie për hyrjet në dhomat e përgjimeve e për kasafortën ku ishin dokumentet e klasifikuara, sipas Veliu ai gjen kohë të hedh akuza për tenderë që nuk kanë lidhje me të.

Ministri Veliu shkruan se procedura e prokurimit për “Furnizim emergjent me targa të automjeteve” nuk bëhet në baza mujore, ndërsa çmimi i tyre caktohet në bazë të targave për njësi.

Ky është postimi i tij i plotë:

Xhelal Sfeçla me shokë, në vend se të turpërohet që la qytetarët e Kosovës pa targa dhe pa dokumente të tjera personale, po bën përpjekje dëshpëruese, të shoqëruara me gënjeshtra, me qëllim të manipulimit të opinionit publik për këtë proces.

Njeriu, i cili gjatë qëndrimit të tij në MPB, nuk kreu asnjë punë përveç që dha leje të lëvizjes për dostat e tij, në vend se të jap llogari për hyrjet në dhomat e përgjimeve dhe për kasafortën ku gjendeshin dokumente të klasifikuara që e la të hapur kur doli, gjen kohë dhe pa fije turpi del në një emision dhe hedh akuza për procedura e tenderë, të cilat nuk kanë asnjë lidhje me mua.

Për hir të informimit të drejtë të opinionit publik, ju informoj se procedura e prokurimit për “Furnizim emergjent me targa të automjeteve” nuk bëhet në baza mujore, ndërsa çmimi i tyre caktohet në bazë të targave për njësi.
Furnizimet emergjente me targa janë me çmime më të lira, krahasuar me kontratën e rregullt të vitit 2016, pra është i pavërtetë pretendimi se procedurat e tjera kanë çmimin tri herë më të shtrenjtë.

Ministria e Punëve të Brendshme, përmes procedurës së hapur ka iniciuar aktivitetin e prokurimit “Furnizimi me targa të automjeteve” në vitin 2018, vit në të cilin unë nuk isha ministër.

I njëjti aktivitet është në procedurë ankimore dhe në bazë të legjislacionit në fuqi, Autoriteti Kontraktues nuk mund të iniciojë dy aktivitete të prokurimit për të njëjtën çështje në të njëjtën kohë.

Të fundit