Këngëtarja e njohur, Adelina Tahiri tash e një kohë ka marrë një pauzë nga muzika dhe nga paraqitjet e saj televizive.
Mirëpo, Adelina kohët e fundit ka qenë mjaftë e komentuar në mediat rozë për shkak të grabitjes në shtëpinë e saj në Shkup.
E ftuar në emsionin në “Live From Tirana” Adelina ka folur më shumë për këtë grabitje ku ka zbuluar se si ka ndodhur rasti duke zbuluar se hajnat kanë marrë gjëra me vlerë të cilat këngëtarja i kishte kujtime nga njerëzit të cilët nuk jetojnë më.
“Një femër e fortë kalon çdo gjë, ngre kokën lart dhe i kalon. Në fakt, ka ndodhur në shtëpinë ku jetoj në Shkup, në Maqedoni. Nuk doja ta diskutoja sepse nuk kisha fuqi të merresha me të. Më kanë hyrë në shtëpi, më kanë marrë gjëra me vlerë. Por nuk është këtu problemi. Kam pasur kujtime nga njerëz që nuk janë më. Sado që t’i blesh nuk mund t’i zëvendësosh më. Unë isha në Greqi me pushime në atë kohë. Ngjarja ka ndodhur një të premte. Kishin hyrë nga ballkani, jo nga dera. Unë jetoj në kat të dytë dhe nuk e di si kanë mundur. Por jam tmerruar dhe ka qenë një traumë për mua. E kam përjetuar shumë rëndë. Unë edhe sot e kësaj dite mendoj se si do ta gjej shtëpinë kur të shkoj. Denoncimin e bëra dhe tani ia kam lënë në dorë policinë. Por në fakt nuk kam ndonjë shpresë, nuk e di pse”, tha ajo.