Një ish-asistente personale e Amber Heard tha se ajo kurrë nuk e kishte parë aktoren të pësonte ndonjë abuzim fizik nga ish-bashkëshorti i saj Johnny Depp, por ajo shtoi se Heard e pështyu atë në fytyrë kur ajo kërkoi pagë më të lartë.

Kate James ka deklaruar se Heard shumicën e kohës ulërinte, dërgonte mesazhe jokoherente në oren 4 të mëngjesit dhe shpesh ishte e dehur dhe nën ndikimin e drogave të paligjshme, transmeton portal arbresh.info

Depp nga ana tjetër ishte shumë i qetë, ndjehej në turp, tha James pasta gjyqit për padinë e Depp për shpifje kundër Heard.

Aktori i “Pirates of the Caribbean” ka akuzuar Heard se e ka shpifur në mënyrë indirekte në një artikull opinioni të vitit 2018 që ajo shkroi për The Washington Post. Heard i referohet vetes në artikull si një “figurë publike që përfaqëson abuzimin në familje”.

Depp mohon se ka abuzuar me Heard, por avokatët e Heard thonë se provat do të vërtetojnë se ai e ka bërë atë. Mohimet e aktorit, argumentojnë ata, u mungon besueshmëria, sepse ai shpesh pinte dhe përdorte drogë deri në pikën e errët dhe nuk mbante mend asgjë që kishte bërë.

James, e cila punoi për Heard nga 2012 deri në 2015, tha se ajo ishte paguar “shumë keq”. Ajo tha se ishte punësuar me një pagë fillestare prej 25 dollarëve në orë dhe detyrat e saj varionin nga marrja e pastrimit kimik të Heard deri tek biseda me agjentët e Hollivudit të aktores.

Lidhur me kohën e Heard dhe Depp së bashku, James tha se Heard ishte një “person shumë dramatike” dhe shumë e pasigurt në marrëdhënie.

Akuzat e Heard ndaj Depp për një kohë të gjatë kanë zënë titujt kryesorë të mediave botërore./AP/