Kandidati për kryeministër nga Lidhja Demokratike e Kosovës, Lumir Abdixhiku, gjatë një vizite në Lipjan, vizitoi nënkalimin e parkingut të qytetit të realizuar nga kryetari i kësaj komune, Imri Ahmeti.

Abdixhiku theksoi se ky projekt zgjidh një nga problemet kryesore të qytetit.

“Çështjen e parkingut për të gjithë qytetarët me punë në qendër të qytetit.”

Ai bëri të ditur se LDK planifikon të investojë 5 miliardë euro në projekte kapitale për një periudhë katërvjeçare.

“Qëndrova në Lipjan. Aty, me Imri Ahmetin, vizitova projektin e fundit kapital të tij dhe ekipit të tij, nënkalimin e parkingun e qytetit. Projekt që ka zgjidhur çështjen e parkingut për të gjithë qytetarët me punë në qendër të qytetit. Mes qytetarëve e mbështetësve të shumtë, që na peisnin aty, tregova se si fokusi ynë është në projekte që madhore që ndikojnë në jetën e përditshme të qyterarëve tanë! Prandaj kemi plot 5 miliardë euro investime kapitale për katër vjet, në programin më ambicioz që ka pasur Kosova ndonjëherë. Dhe me ekipë sikurse Imriu, që e nisë e përfundon një projekt si ky krejt vet, pra pa asnjë ndihmë financuese nga qendra; realizimi i qëllimeve tona – e që janë qëllime të vet qytetarëve – është krejt i lehtë! Besoni në Kosovën! Bëhuni Ndryshimi!” – tha Abdixhiku.