Ish-ministri i Infrastrukturës, Lumir Abdixhiku, ka thënë se detyra e ministrit ishte nder dhe privilegj, raporton “Front Online”.

Këto komente Abdixhiku i bëri në një postim në rrjetin social në “Facebook”.

“Sot ishte dita ime e fundit në detyrë. Por edhe dita e parë e rikthimit në normalitet. Me këto dyja shumëçka na ka mbetur në gjysmë. Do t’i vazhdojmë mu aty ku na kanë mbetë. Detyra e ministrit ishte nder dhe privilegj. Ju faleminderit të gjithëvë për mbështetjen e dhënë. Pasardhësve në, tani dy ministritë, u uroj suksese”, ka shkruar ai.

Ai ishte i propozuar për ministër edhe në qeverinë “Hoti”, pozitë të cilën i njëjti nuk e ka pranuar. /Front Online