Kryetari i LDK-së Lumir Abdixhiku ka thënë se ka ndjerë keqardhje për deklaratat e deputetit të LDK-së, Avdullah Hoti në rrjete sociale.
“Ndjej keqardhje që diskutimet bëhen në publik sepse ka forumi partiake ku bëhen këto debate. Për më tepër ndjej keqardhje për argumentet që përdoren në këtë drejtim, sepse janë argumente që përdoren shumë nga kundërshtarët tanë politikë”, deklaroi Abdixhiku në Tv Dukagjini.
Abdixhiku tha se si lider duhet të marrë vendime që jo domosdoshmërisht do të kënaqen të gjithë.
I pari i LDK-së ka thënë se reformat në parti nuk do të ndalen.
Abdixhiku thotë se u ka ofruar çfarëdo lloj zgjedhje të brendshme por nuk ka pasur interesim.
