Vjedhja e kasafortës javë më parë nga Objekti i Agjencisë së Ushqimit dhe Veterinës (AUV) është ende duke u hetuar nga institucionet kompetente.

Me datë 22 tetor në Agjencinë e Ushqimit dhe Veterinarisë (AUV) u vodh arka metalike në të cilën gjendeshin para dhe kartela mbushëse të telefonit.

Lidhur me rastin e vjedhjes së kasafortës në AUV, Inspektorati Policor i Kosovës ka suspenduar një zyrtar policor, i cili dyshohet se ka mundësuar vjedhjen.

Në një përgjigje me shkrim nga Inspektorati policorë, kanë thënë se zyrtari policorë  nuk është kthyer në punë dhe se është ende duke u hetuar për veprën penale “keqpërdorim i besimit”.

“Zyrtari policor (akoma i suspenduar) që ka qenë me detyrë në punë sekondare datën kur ka ndodhur incidenti në objektin e AUV-it, është duke u hetuar me dyshimin se i njëjti ka kryer veprën penale “keqpërdorim i besimit”, thuhet në përgjigjen e IPK-së pë FrontOnline

Dyshimet e para nga hetuesit e IPK-së janë se zyrtari policor nuk ka treguar nivelin e duhur të profesionalizmit dhe vigjilencës në raport me detyrat për të cilat kanë qenë të caktuara për të.

Ndërsa ditën që është kryer vjedhja zyrtari policorë ka qenë në punë sekondare në objektin e AUV-it, sipas  një marrëveshjeje të përbashkët ndërmjet Policisë së Kosovës dhe Agjencisë të Ushqimit dhe Veterinarisë ku zyrtarët policorë në punë sekondare bëjnë sigurimin e objektit në fjalë./FrontOnline/