Komisioni hetimor parlamentar lidhur me procesin e privatizimit në Kosovë ka intervistuat sot Ahmet Shalën, ish-zëvendësdrejtor menaxhues në AKM, raporton Front Online.

Lidhur me djegien e disa dosjeve të AKM-së gjatë periudhës 2008-2009, Shala tha se asnjë dokument nuk është humbur sepse të gjitha kanë qenë të skenuara dhe ruhen në arkivin elektronik të BE-së.

“Të gjitha dokumentacionet janë të skenuara dhe ruhen në arkivën e BE-së. Frika se kanë humbur dokumentet ka qenë e madhe dhe nuk e di se pse nuk është sqaruar kjo çështje asnjëherë. Qeveria do të duhej të kërkonte nga BE-ja që të kenë qasje në këto arkiva”, ka thënë ai.

Ahmet Shala ishte ministër i Financave dhe Ekonomisë përgjatë viteve 2008-2011. Si minitër atëkohë Shala ishte përgjegjës për buxhetin, thesarin, mbledhjen e të hyrave si dhe për politikat ekonomike e fiskale në Kosovë./Front Online/