Këngëtari dhe ish-banori i “Big Brother VIP”, Sabiani ishte së fundmi i ftuar në emisionin “Natën me Aulonën”, ku mes të tjerash foli për rrugëtimin e tij në reality show.
Aulona e pyeti nëse Iliri, i cili u shpall fitues, e ka ndarë çmimin e madh me të. “Ndonjë lekë të dha?”, i tha ajo.
“Këto janë gjëra që na përkasin vetëm mua dhe Ilirit. Nuk keni për t’i mësuar kurrë”, u përgjigj Sabiani. Kujtojmë se mes dyshes lindi një miqësi e ngushtë në “Big Brother VIP”, aq sa këngëtari i tha Ilirit “Ti je 100 mijë euroshi im!”.
